Policia e Kosovës ka kërkuar ndihmën e qytetarëve për gjetjen e personit i cili është raportuar i zhdukur në fshatin Janqishtë të Malishevë.
Policia ka bërë të ditur se sipas familjarëve, personi i zhdukur ka dalë nga shtëpia më 5 tetor dhe nuk dihet për vendndodhjen e tij.
Drejtoria e Emergjencave e Kuvendit Komunal në Malishevë se bashku me Zjarrfikës, kanë ndërmarrë veprime intensive operative dhe hetimore për gjetjen e tij, mirëpo deri më tani nuk është arritur të lokalizohet.
“Drejtoria Rajonale e Policisë në Gjakovë, Stacioni Policor në Malishevë njofton opinionin publik se më 05.10.2025, rreth orës 00:40, është raportuar për zhdukjen e personit: Halim Ramadan Sopaj, i lindur më 11.11.1965, banues në Janqishtë – Malishevë. Sipas familjarëve, personi i zhdukur ka dalë nga shtëpia dhe nuk është kthyer më. Në momentin e largimit, ai ishte i veshur me: rrobe sportive (trenerka) të zeza, bluzë të zezë, atlete (patika) të kaltra. Që nga dita e raportimit, Drejtoria Rajonale e Policisë në Gjakovë e mbështetur edhe nga njësi të specializuara të PK-së, FSK, Drejtoria e Emergjencave e Kuvendit Komunal në Malishevë se bashku me Zjarrfikës, ka ndërmarrë veprime intensive operative dhe hetimore për gjetjen e tij, mirëpo deri më tani nuk është arritur të lokalizohet. Me qëllim gjetjen e tij sa më të shpejtë, Policia e Kosovës kërkon bashkëpunimin e qytetarëve dhe të mediave”, thuhet në njoftimin e policisë./teve1.info/
