Policia e Kosovës po kërkon ndihmën e qytetarëve për të identifikuar dy persona të cilët dyshohen se kanë kryer veprën penale “Vjedhje të rëndë”.
Me këtë rast, Policia ka publikuar fotografitë e të dyshuarve, përcjell teve1.info
“Policia e Kosovës, mbështetur në autorizimin e nxjerrë nga Prokuroria Themelore – Departamenti i Përgjithshëm, në mbështetje të dispozitës së nenit 71, paragrafit 4 pika 4.1, 4.12, lidhur me nenin 77, paragrafi 2, të KPP-së, si dhe në përputhje me nenin 8, të KEDNj-së, paraqet para jush fotografinë e të dyshuarve të shpallur në kërkim, të dyshuar për implikim në veprën penale ‘Vjedhje e Rëndë’, konform nenit 315 të KPRK-së. Me qëllim të zbatimit efikas të procedurës, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personave të dyshuar sipas tipareve fizike apo lokalizimin e vendndodhjes së tyre”, thuhet në njoftim.
