Policia e Kosovës ka njoftuar se është raportuar e zhdukur një vajzë e mitur, Alisiana Shala, nga komuna e Rahovecit.
Sipas njoftimit të Policisë së Kosovës, Drejtorisë Rajonale në Gjakovë, familjarët e 14-vjeçares kanë deklaruar se nuk kanë informacione se ku gjendet ajo që nga muaji nëntor 2025.
“Drejtoria Rajonale e Policisë në Gjakovë, njofton opinionin publik se është raportuar zhdukja e një vajze të mitur Alisiana Shala nga komuna e Rahovecit, rreth moshës 14 vjeçare për të cilën familjarët nuk kanë informatë ku gjendet që nga muaji nëntor 2025.
Që nga dita e raportimit, Drejtoria Rajonale e Policisë në Gjakovë ka ndërmarrë veprime intensive, operative dhe hetimore për gjetjen e saj, mirëpo deri më tani nuk është arritur të lokalizohet.” – thuhet në njoftimin e PK-së.
PK, përmes këtij njoftimi, ka kërkuar bashkëpunim nga qytetarët për ta gjetur sa më shpejt 14-vjeçaren nga Rahoveci.
“Me qëllim që sa më shpejtë të lokalizohet, Policia e Kosovës kërkon bashkëpunimin e qytetarëve dhe të mediave.
Nëse dikush ka ndonjë informacion që mund të ndihmojë në gjetjen e Alisiana Bekim Shala (personi në fotografi), ju lutemi të lajmëroheni menjëherë në numrin e telefonit 192 (pa pagesë) ose në stacionin më të afërt policor.” – thuhet tutje në njoftim.
