Policia e Kosovës, kërkon bashkëpunimin e qytetarëve për identifikimin e një personi të dyshuar për një vjedhje që ka ndodhur në Prishtinë.
Përmes njoftimit, u bëhet apel të gjithëve që për çdo informatë që kanë, e që mund të dërgojë në identifikimin e të dyshuarit apo vendodhjes së tij, të kontaktojnë Policinë e Kosovës.
“Njësiti i hetimeve të stacionit policor Qendra më Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. Personi i dyshuar kërkohen për përfshirje në një rast, Vjedhje grabitqare, që ka ndodhur në Prishtinë. Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192”, thuhet në njoftimin e PK-së në Facebook. /teve1.info/
