Policia e Kosovës ka kërkuar bashkëpunimin e qytetarëve për identifikimin e një gruaje e cila kërkohet për përfshirje në veprën “Shpërdorim i pasurisë së huaj”.
Policia ka njoftuar se me autorizim nga prokuroria kompetente ka publikuar fotografinë e të dyshuarës dhe kërkon ndihmën nga qytetarët
“Njësiti i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. E dyshuara kërkohet për përfshirje në veprën “Shpërdorim i pasurisë së huaj”.Të nderuar, për çdo informatë që mund të çojë në identifikimin e saj, ju lusim të kontaktoni policinë në numrin e telefonit: 192 ose përmes emailit: [email protected]”, thuhet nga PK.
