Policia e Kosovës është deklaruar për rastin e vrasjes së dyfishtë në fshatin Stanovc të Vushtrrisë.
Sipas PK-së në këtë rast që ka ndodh rreth orës 14:56, dyshohet se një burrë A.M 58 –vjeç ka qëlluar me vdekje një grua N.H, 42 –vjeçare e më pas veten.
Zëdhënësi i PK-së për rajonin e Mitrovicës, Avni Zahiti ka thënë për teve1.info se në vendin ngjarjes është gjetur dhe konfiskuar në armë pistoletë.
“Bazuar në hetimet fillestare nga vendi i ngjarjes dyshohet se kryesi i veprës, dorasi 58-vjeçar me iniciale A.M., ka qëlluar për vdekje viktimën femër, 42-vjeçare me iniciale N.H., e më pas i dyshuari ka qëlluar edhe veten. Në cilësi të provave materiale në vendin e ngjarjes janë gjetur dhe konfiskuar një armë pistoletë”, ka thënë Zahiti.
Me urdhër të Prokurorit, dy trupat e pajetë dërgohen në Institutin e Mjekësisë Ligjore për obduksion.
Hetuesit policorë nën udhëheqjen e prokurorit po vazhdojnë hetimet për veprat penale ” Vrasje e rëndë ‘ dhe ” Vetëvrasje”
