Policia e Kosovës ka dhënë detaje të reja në lidhje me gjendjen e rrugës Gjakovë-Klinë, që gjatë mesnatës është shembur dheu, me ç`rast është bllokuar qarkullimi për vetura.
Zëdhënësi i Policisë për rajonin e Pejës, Driton Rugova ka thënë për tëvë1.info, se rruga është duke vazhduar të jetë e pakalueshme, ku në vendngjarje është edhe kompania që është duke e larguar dheun.
“Policia e Kosovës është informuar për shembjen e dheut në orën 01:00 pas mesnatës. Policia ka dalë në vendngjarje, pra ku është shembur dheu në Volljakë, ku edhe janë duke u kryer punime. Rruga vazhdon të jetë e pakalueshme edhe në momentin që po flasim. Në vendngjarje është edhe kompania që është duke i kryer punimet dhe po mundohemi që të largojmë dheun”, ka thënë Rugova./tve1.info/
