Gjashtë persona kanë pësuar lëndime trupore në një aksident komunikacioni që ka ndodhur në fshatin Vogovë të Gjakovës.
Zëdhënësi i policisë për rajonin e Gjakovës, Sheremet Elezaj ka thënë se në këtë aksident që ka ndodhur rreth orës 17:00 janë përfshirë dy vetura.
“Rreth orës 17:00 në fshatin Vogovë, Gjakovë, ka ndodhur një aksident trafiku mes dy automjeteve. Si pasojë, gjashtë persona kanë pësuar lëndime trupore, ndërsa janë shkaktuar edhe dëme materiale. Rasti po hetohet nga Njësia Rajonale e Komunikacionit Rrugor”, ka thënë Elezaj për teve1.info.
Ndërsa nga zjarrfikësit në Gjakovë është thënë se bashkë me policinë dhe emergjencën kanë dal menjëherë në vendin e ngjarjes dhe kanë ofruar ndihëm e nevojshme.
