Një qytetar në Pejë është arrestuar pasi në shtëpinë e tij dhe të axhës së tij i janë gjetur dhe konfiskuar armë të ndryshme, raporton teve1.info
Sipas komunikatës së Policisë, në shtëpinë e të dyshuarit janë gjetur dy pistoleta me karikator e fishekë, kurse në shtëpinë e axhës së tij i ka gjetur mitraloz e municion tjetër.
I dyshuari, me vendim të prokurorit është dërguar në mbajtje derisa armët janë konfiskuar nga Policia.
“Fsh. Ozrim, Pejë 19.12.2023 – 11:40. Është arrestuar i dyshuari mashkull kosovar pasi që gjatë kontrollit në shtëpinë e tij dhe në shtëpinë e axhës së tij i cili jeton jashtë shteti, janë gjetur dhe konfiskuar armë dhe municion si: dy pistoleta, një karikator dhe shtatë fishekë, një pushkë gjuetie dhe një gëzhojë, një mjet i mprehtë thikë, 40 fishekë kal.9 mm, shtatë fishekë kal.6.35 mm, tri gëzhoja kal.7.62mm dhe një fishek kal.7.62 mm, ndërsa në shtëpinë e axhës së tij te cilën e ka nën mbikëqyrje i dyshuari janë gjetur dhe konfiskuar: një mitraloz (pushkë automatike), një pistoletë Zastava kal.7.62 mm, 16 fishekë te të njëjtës armë, 92 fishekë te mitralozit, si dhe një karikator. Me vendim të prokurorit kujdestar i dyshuari është dërguar në mbajtje”, thuhet në komunikatë.
