Policia e Kosovës ka nisur të hetojë vdekjen e një gruaje, e cila ka ndërruar jetë të shtunën në Qendrën Klinike Universitare të Prishtinës.
Në raportin ditor të policisë thuhet se gruaja – shtetase e Serbisë, ishte dërguar në gjendje të rëndë shëndetësore në QKUK.
Ndërkohë, me vendim të prokurorit trupi i pajetë i viktimës është dërguar në IML për obduksion.
“Është raportuar se viktima femër shtetase e Serbisë, e cila ishte dërguar në gjendje të rëndë shëndetësore në QKUK Prishtinë, ka ndërruar jetë. Me vendim të prokurorit trupi i pajetë dërgohet në IML për obduksion”, thuhet në njoftim./teve1.info/
