Tre persona po tentonin të kalonin kufirin me traktor nga Kosova në Maqedoni, janë hasur të enjten gjatë patrullimit në vijën kufitare në Han të Elezit.
Sipas raportit, njëri nga të dyshuarit gjatë përpjekjes për t’i ikur Policisë ka tentuar t’i sulmojë zyrtarët policorë.
Lidhur me rastin është arrestuar një shtetas i Maqedonisë së Veriut, ndërsa dy të tjerë kanë ikur nga vendi i ngjarjes.
Me vendim të prokurorit i dyshuari pas intervistimit është dërguar në mbajtje.
“Është raportuar se gjatë patrullimit në vijën kufitare, njësiti policor ka hasur në një traktor me tre të dyshuar duke tentuar të kalojnë kufirin nga Kosova në Maqedoni. Njëri nga të dyshuarit ka tentuar t’i sulmojë zyrtarët policorë. Lidhur me rastin një i dyshuar mashkull shtetas i Maqedonisë së Veriut është arrestuar, ndërsa dy të tjerët kanë ikur nga vendi i ngjarjes. Nga i dyshuari është sekuestruar një mjet i mprehtë (thikë) që dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje”, thuhet në raport./teve1.info/
