Policia e Rajonit të Ferizajt ka njoftuar se ka gjobitur dy shoferë për shpejtësi dhe një tjetër drejtim të veturës nën ndikimin e alkoolit në Ferizaj.
Sipas policisë dy shoferët G.E (M/K), i moshës 23 vjeçar dhe R.K (M/K) i moshës 19 vjeçar zhvilluan shpejtësi 153, në zonën e kufizimit 60 km/h – ku edhe janë gjobitur me 300 euro, 3 pikë negative dhe masë mbrojtëse prej tre muajve.
“Policia e Komunikacionit Rrugor më datë 31.10.2024 rreth orës 23:30 në rrugën në mes të fshatrave Varosh-Gërlicë të Ferizajt ka ndaluar dy shoferët: G.E (M/K), i moshës 23 vjeçar dhe R.K (M/K) i moshës 19 vjeçar, të cilët zhvilluan shpejtësi 153, në zonën e kufizimit 60 km/h”, thuhet në njoftim.
Ndërsa më datën 01.11.2024 , rreth orës 02:30 në rrugën ‘’Rexhep Bislimi’’ në Ferizaj policia ka ndaluar shoferin A.K ( M/K ), i moshës 27 vjeçar, i cili po drejtonte veturën e tij nën ndikimin e alkoolit, ku gjatë testimit ka rezultuar me 0.83 %0.
Ndaj tij policia i ka shqiptuar një gjobë 200 euro, 2 pikë negative dhe masë mbrojtëse prej tre muajve.
