Policia e Kosovës pasditen e djeshme në Gjilan ka ndalur për kontroll një automjet me targa të Serbisë, ku në të janë gjetur 390 kg duhan.
Policia thotë se identifikimi dhe ndalimi i këtij automjeti ka ardhur pas bashkëpunimit mes zyrtarëve policorë të Drejtorisë për Hetimin e Trafikimit me Narkotik dhe Policisë Kufitare-Lindje.
Ndërkohë, gatë kontrollit të automjetit është gjetur se kishte të ngarkuar, paketimet me duhan të përpunuar, klasifikuara sipas emërtimeve të markës së duhanit “Marlboro” 480 paketime x 0.5 kg, gjithsej 240 kg dhe “Dunhill’’ 300 paketime x 0.5 kg gjithsej 150 kg.
“Lidhur me rastin e lartcekur është njoftuar prokurori kujdestar, i cili ka urdhëruar që të inicohet rast ‘kontrabandim me mallra, ndërsa malli i konfiskuar është dërguar në doganë për procedura të mëtutjeshme”, thuhet në njoftimin e Policisë së Kosovës.
*Policia e Kosovës mbetet e përkushtuar në luftimin e të gjitha dukurive negative dhe sjelljen para drejtësisë të të gjithë personave të përfshirë në raste penale*
/teve1.info/
