Policia e Kosovë ka njoftuar se gjatë kontrollës së një veturë brenda në një çante janë gjetur sasi e floririt rreth 600 gram (gjerdan, zinxhirë, bylyzykë dhe unaza) pa dokumente dhe një shumë e parave, të cilat më pas janë konfiskuar.
Për këtë rast policia ka arrestuar një 36 vjeçar i cili është shoqëruar në stacionin e policisë në Shtërpcë dhe sasia e floririt dhe paratë janë konfiskuar.
“Me datën 08.09.2023 rreth orës 21:06 policët e stacionit në Shtërpcë, derisa ishin në zbatim të planit operativ ‘’Goditja’’ në pikë kontrolli, në fshatin Drajkovc të Shtërpcës kanë ndaluar një veturë Audi me targa të huaja. Gjatë kontrollimit të personave dhe veturës, në veturë në një çantë janë gjetur sasi e floririt rreth 600 gram (gjerdan, zinxhirë, bylyzykë dhe unaza) pa dokumente dhe një shumë e parave, të cilat më pas janë konfiskuar.
I dyshuari, H.R (M/MV) i moshës 36 vjeçar është shoqëruar në stacionin e policisë në Shtërpcë dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj sasia e floririt dhe paratë e gjetura janë konfiskuar me dyshimin për tregti të ndaluar, evazionit të taksave dhe tarifave doganore, ndërsa janë njoftuar Dogana e Kosovës, të cilët do të merren me rastin”, thuhet në njoftimin e policisë.
