Policia finlandeze ka konfirmuar se nxënësja e plagosura nga Kosova, ka plagë të rënda.
Përmes një raporti, Policia ka bërë të ditur se vajza aktualisht është e shtruar në spital, pasi ka marrë lëndime të rënda.
“I vrarë nga të shtënat në shkollë është një djalë. Dy personat e plagosur rëndë janë vajza, të dyja ende të shtruara në spital. Djali i ndjerë është shtetas finlandez dhe një nga viktimat e shtruara në spital është dyshtetësi i Finlandës dhe Kosovës. Viktima tjetër e shtruar në spital është gjithashtu një shtetas finlandez”, thuhet në njoftimin e Policisë.
Po ashtu, të martën Ministria e Punëve të Jashtme dhe Diasporës (MPJD), nëpërmjet Ambasadës së Kosovës në Stokholm, kishte arritur ta konfirmojë këtë rast ku e lënduar ka mbetur një vajzë nga Kosova./teve1.info/.
