Policia e Kosovës dhe EULEX-i pritet të bëjnë vlerësim të situatës së sigurisë në veri për një periudhë dy javore.
Këtë e ka bërë të ditur shefi i misionit të EULEX-it, Giovanni Pietro Barbano. Ai në një postim në Twitter, ka thënë se sipas rastit kjo do të bëhet edhe me KFOR-in.
Ai për këtë ka shkruar pas takimit që ka zhvilluar të martën me drejtorin e Përgjithshëm të PK-së, Gazmend Hoxha dhe Komandantin e KFOR-it, Ristuccia.
“Ne ramë dakord për modalitetet e përgjithshme për të forcuar më tej bashkëpunimin dhe koordinimin tonë të vazhdueshëm për të mbështetur stabilitetin në Kosovë dhe sigurinë e të gjitha komuniteteve të sa”, ka shkruar Barbano.
Për këtë takim ka njoftuar edhe Policia e Kosovës, ku tha se u diskutua për situatën e sigurisë përfshirë edhe veriun.
Policia e Kosovës ka ulë prezencën e pjesëtarëve të PK-së , brenda dhe afër objekteve komunale në veri të vendit, si pjesë e marrëveshjes për hapat e parë drejtë depërshkallëzimit të situatës në veri./teve1.info/
