Policia e Kosovës dhe Zjarrfikësit janë duke intervenuar në kulmin e objektit të Shtëpisë së Evropës, shkak i dëmtimit të fasadës.
Komuna e Prishtinës përmes një njoftimi ka bërë të ditur se janë marrë menjëherë masat e nevojshme për të bërë zgjidhje.
“Pas reshjeve të mëdha ditëve të fundit, nga kulmi i objektit Europe House Kosovo kanë filluar të bijnë copa të mëdha të betonit e fasadës. Kjo shkakton rrezikshmëri të lartë për vizitorët dhe njëkohësisht për kalimtaret e rastit”, thuhet në njoftimin e Komunës së Prishtinës.
Sipas komunës, kulmi i Shtëpisë së Evropës është dëmtuar si pasojë e reshjeve të shiut që kanë rënë.
Në njoftim thuhet se fasada e dëmtuar shkakton rrezikshmëri të lartë për vizitorët dhe njëkohësisht për kalimtaret e rastit. /teve1.info/
