U rreshtuan një nga një.Janë përgatitur për të festuar ditën e tyre. Me krenari mbajnë veshur uniformën e Policisë së Kosovës.
Këta nxënës të shkollës fillore “Faik Konica” janë nisur për në sheshet e kryeqytetit.
Aty ku po zhvilloheshin aktivitete për nder të 1 Qershorit –Ditës së Fëmijëve, ku dëgjohej edhe muzika për të rritur.
Disa prej tyre u ndjenë të lumtur dhe po i tregojnë profesionet e tyre për të ardhmen.
Për këto manifestime të mbajtura foli edhe njëra nga mësueset e kësaj shkolle.
Për të parë performancën e këtyre aktiviteteve, aty erdhi edhe i pari i Prishtinës, Përparim Rama së bashku me ekipin e tij.
“Ne synojmë që ta transformojmë kryeqytetin gjithmonë me pikënisje prej fëmijëve. Pra nëse kryeqyteti mendon për fëmijët qysh nga mosha e vogël prej moshës parashkollore kur fëmijët hyjnë nëpër institucione ka me pas një përjetim pozitiv një përjetim të mirëfilltë të sigurt të gjithë të çdo spektri brenda kryeqytetit”, tha ai.
Po ashtu, në sheshet e Prishtinës u zhvilluan edhe një sërë aktivitetesh kryesisht nga sporti, basketboll, karate, gjimnastikë dhe pingpong.
Raporti i gazetares Besiana Visoka.