Kryeministri i vendit, Albin Kurti, ka njoftuar se Policia e Kosovës ka shpërndarë më shumë se 100 pako ushqimore në fshatin Banjskë, për banorët me shumicë serbe të Kosovës në atë zonë.
Në kuadër të zhvillimeve të fundit në veri, Kurti është shprehur falënderues për të gjithë qytetarët që kanë ruajtur qetësinë.
“Krahas operacionit të tij anti-terror, Kosovo Police ka shpërndarë 100+ pako ushqimore në Banjskë për banorët shumicë serbë të Kosovës në këtë zonë, përveç adresimit të nevojave të tjera elementare. Falënderoj qytetarët tanë për qetësinë, maturinë dhe besimin e tyre. Policia është në shërbimin tuaj”, ka shkruar Kurti në platformën X.
Alongside its anti-terror operation, @Kosovo_Police has distributed 100+ food packages in Banjskë to the majority Kosova-Serb residents in the area, in addition to addressing other basic needs. I thank our citizens for their calm, prudence & trust. The Police are at your service. pic.twitter.com/XiNS4GbcoY
— Albin Kurti (@albinkurti) September 26, 2023