Stafi i lartë i Policisë së Kosovës ka pritur në takim zyrtarët e njësive speciale-elite, të cilët ishin pjesë e garës ‘King Abdullah Special Operations Training Center’ në Jordani.
Sipas policisë, kjo ka qenë një garë ndërkombëtare e njësive elitare policore/ushtarake, ku pjesëmarrëse kanë qenë 38 ekipe të shteteve të ndryshme të botës, të cilat kanë garuar në disa disiplina me shkallë të lartë të vështirësisë dhe taktikës, si gjuajtje me armë të llojeve të ndryshme, marshime me pesha të rënda, përfshirë ushtrime të natyrës së kësaj fushe të operimit policor/ushtarak.
Hoxha me stafin menaxhues, kanë përgëzuar njësitë elite të PK-së, të cilat me pjesëmarrjen e tyre në këto gara treguan profesionalizëm të lartë.
“Takimi falënderues rezultoi me synimin që PK-ja me njësitë e saj të vazhdojë punën, angazhimin dhe përkushtimin drejt ngritjes së mëtejme profesionale dhe arritjes së rezultateve pozitive, që paraqesin imazhin pozitiv të Policisë së Kosovës”, thuhet në njoftimin e policisë./teve1.info/
