Policia e Kosovës ka arrestuar një serb në pikën kufitare në Jarinje, raporton teve1.info
Burime të Tëvë1 bëjnë me dije se i arrestuari dyshohet se është pjesëtar i xhandarmërisë serbe.
Lajmin për arrestimin e të dyshuarit e ka konfirmuar për Tëvë1 edhe zëvendësdrejtori i Policisë së Kosovës për veri, Veton Elshani.
Ai tha se i dyshuari është zënë duke fotografuar pa autorizim.
“Po, një person është ndaluar në pikën kufitare në hyrje të Jarinjës, lidhur me dyshimin se ka bërë fotografim të paautorizuar. Është dërguar për intervistim në stacion në jug, do të shohim për procedurat tutje”, u shpreh Elshani.
