Njësitë e trafikut, patrullimit por edhe njësitë tjera në Drejtorinë Rajonale të Ferizajt në orët e para të së shtunës kanë realizuar një aksion të gjerë.
Pas përgatitjeve, Kapiteni Brahim Shatrolli u jep atyre urdhrin për zbatimin e këtij operacioni që për qëllim ka shoferët që vozisin nën ndikim të alkoolit.
Menjëherë pas marrjes së urdhrave, ekipet e Policisë u nisën për zbatimin e tyre.
E me të dalë në terren, filluan edhe testet e para të alkoolit tek personat të cilët kishte dyshime.
Për shkak të natyrës së rrezikshmërisë, te personat e dyshuar nga zyrtarët e Njësisë Speciale u kontrolluan më detajisht disa shoferë dhe veturat e tyre. Më pas, alkool-testet vazhduan edhe te disa qytetarë tjerë, të cilët nuk rezultuan pozitiv. Këta të fundit thanë se mirëpresin një aksion të tillë, dhe se këso duhet të ketë më shpesh gjatë vikendeve kur ka frekuentim më të madh të qytetarëve.
Pos kësaj dukurie, zyrtarët policorë në vazhdimësi shqiptojnë edhe gjoba për kundërvajtje tjera në trafik. Njëjtë ndodhi edhe gjatë këtij aksioni ku u shqiptuan disa gjoba për tejkalim të shpejtësisë.
E zëdhënësi i Policisë, Kanun Veseli tregon numrin e shoferëve të gjobitur për shkak të vozitjes në ndikim të alkoolit.
Ai tregon edhe masat që ndërmerren ndaj shoferëve të cilëve u shqiptohen këto gjoba.
Në shkelje të tilla, gjobat për qytetarët janë nga 200 deri në 500 euro.
