Tre persona janë arrestuar të shtunën gjatë një bastisjeje në një lokal në rrugën e “Muhaxherëve” në Mitrovicë, ku dyshohet se ishte realizuar shitje e narkotikëve.
Sipas raportit 24-orësh të Policisë, gjatë bastisjes janë gjetur katër qese me substancë narkotike, dyshohet kokainë, me peshë 1 gram, dy cigare me peshë 1.5 gram, 32.60 euro dhe dy telefona celularë.
Pas intervistimit, me vendim të prokurorit, të dyshuarit janë liruar në procedurë të rregullt.
“Gjatë një bastisje në një lokal ku dyshohet se është realizuar shitje e narkotikëve, janë arrestuar tre të dyshuar m/k dhe janë gjetur katër qese me substance narkotike dyshohet kokainë me peshë 1 gram, dy cigare me peshë 1.5 gram 32.60 euro, dhe dy telefona. Me vendim të prokurorit të dyshuarit pas intervistimit janë liruar në procedurë të rregullt”, ka njoftuar Policia./teve1.info/
