Policia e Kosovës në Prizren, ka arrestuar dy persona të dyshuar një 22 vjeçar dhe 20 vjeçar.
Sipas njësisë policore të dyshuarit janë arrestuar për grabitje dhe nën kërcënimin e një mjeti të mbrehtë thikë.
“Me datën 06.09.2023 Stacioni Policor Prizren ka pranuar informacion se tre të dyshuar nën kërcënimin e një mjeti të mprehtë (thikë) nga viktima kanë arritur që të marrin një telefon mobil dhe një shumë të parave të gatshme”, thuhet në njoftim.
Njësitë policore, kanë bërë me dije se i dyshuari i tretë është në kërkim policor.
“Njësiti i hetimeve të Stacionit Policor Prizren pas veprimeve operative hetimore në teren ka arritur që të identifikoj dhe arrestoj dy të dyshuar V.Sh. (viti i lindjes 2000, mashkull kosovar shqiptar) dhe B.Ç. (viti i lindjes 2001, mashkull kosovar shqiptar) për të cilët janë gjetur prova se kanë qenë të përfshirë në këtë rast. I dyshuari i tretë është në kërkim policor.
Të njëjtit janë intervistuar në bazë të procedurave ligjore dhe ndaj që të dy të dyshuarve prokurori i shtetit ka lëshuar masën e ndalimit për 48 orë”, thuhet në njoftimin e PK-së.
