Disa policë në Lipjan të martën morën mirënjohje për angazhimin e tyre gjatë vitit 2023.
Megjithatë, ky stacion policor kishte edhe sfida në vitin e kalaur.
Komandanti Argjent Gashi tha se sfidë në vete ka qenë angazhimi i zyrtarve policorë në pjesën veriore të vendit.
Kapiteni Gashi kërkoi që gjatë këtij viti, t’u përmirësohen kushtet e punës por të kenë edhe një mirëqenie më të mirë nga institucionet qendrore.
E kryetari i Komunës së Lipjanit, Imri Ahmeti thotë se vetëm me koordinim ndërinstitucional mund të ulen statistikat e kryerjes së veprave të ndryshme penale.
Pas përfundimit të fjalimeve, u bë edhe prezentimi i detajuar i Raportit vjetor të punës për vitin 2023 ku u tha se janë kryer një mori operacionesh por edhe arrestime të personave të ndryshëm.
Konkludimet e këtij raporti, ishin se situata aktuale e sigurisë në këtë komunë vazhdon të mbetet e qetë.
E për këtë, Drejtori Rajonal i Policisë në Prishtinë, Basri Shabani po kërkon që këtë vit, të ulet koha e reagimit policor në zonat urbane e ndërurbane.
Po ashtu, gjatë kësaj ceremonie u bë edhe shpërndarja e mirënjohjeve për institucionet bashkëpunuese në fushën e sigurisë.
