Dy pjesëtarë të policisë së Kosovës gjatë patrullimit në këmbë në sheshin “Ahmet Shtimja” në Shtime kanë gjetur në tokë një shumë parash.
Sipas njoftimit të policisë, shuma e parave është katërmonedha nga 100 euro dhe dy katërmonedha nga 50 euro me vlerë totale prej 500 euro.
Policia ka bërë të ditur se paratë janë dërguar në stacionin policor ku është njoftuar edhe menaxhmenti i stacionit.
“Më datë 18.09.2025, rreth orës 17:00, gjatë patrullimit në këmbë në sheshin “Ahmet Shtimja” në Shtime, dy policë të stacionit policor në Shtime kanë gjetur në tokë një shumë parash: katër kartëmonedha nga 100 € dhe dy kartëmonedha nga 50 €, me vlerë totale prej 500 €. Paratë janë dërguar menjëherë në stacionin policor dhe është njoftuar menaxhmenti i stacionit. Nëpërmjet kamerave të sigurisë është identifikuar personi që i kishte humbur paratë, i cili ishte larguar me një automjet me targa të huaja. Pas verifikimit, është konstatuar se bëhet fjalë për një 32-vjeçar, L.R., nga komuna e Shtimes, i cili është paraqitur në polici dhe i janë kthyer paratë të humbura. Drejtoria Rajonale e Policisë në Ferizaj falënderon dy pjesëtarët e policisë së stacionit në Shtime për gjestin e tyre human dhe shembullor, duke dëshmuar përkushtim në shërbim të qytetarëve dhe respektim të vlerave profesionale”, thuhet në njoftimin e policisë./teve1.info/
