Erdhën nga të gjitha qytetet e Kosovës.
Policë të të gjitha njësive u mblodhën të premten në këtë qendër sportive në Pejë.
Kjo në nderim të kolegëve të tyre të rënë në detyrë.
E me një minutë heshtje nisi edhe ceremonia e e këtyre aktiviteteve sportive, organizuar nga Sindikata e Policisë së Kosovës.
Kryetari i Sindikatës, Avdi Hoti tha e përmes këtyre lojërave, mbajnë të gjallë kujtimin dhe sakrificën për ish-kolegët.
E drejtori i përgjithshëm i Policisë, Gazmend Hoxha u shpreh se 24 policët e rënë në detyrë, tregojnë për vendosmërinë e tyre në shtrirjen e sundimit të ligjit.
Edhe kryetari i Kuvendit, Dimal Basha përmendi punën e vazhdueshme të zyrtarëve policorë.
Pas fjalimeve, ekipet u përgatitën për nisjen e këtyre aktiviteteve.
Hapjen e tyre e bënë drejtori bashkë me djemtë e dy policëve të vrarë në veriun e vendit, Enver Zymeri e Afrim Bunjaku.
