Në këtë ceremoni mori pjesë kryetari i Komunës së Podujevës, Shpejtim Bulliqi, drejtoresha e Administratës, Antoneta Ejupi dhe drejtori i Arsimit, Avni Fetahu.
Në njoftim thuhet se ky kontingjent i ndihmave për Ukrainën është nisur nga Podujeva, nga aksioni i organizuar mes komunës së Podujevës dhe ushtarëve ukrainas në Kosovë.
“Me një ceremoni të përbashkët ku mori pjesë edhe Kryetari i Komunës së Poudjevës, Shpejtim Bulliqi dhe Drejtoresha e Administratës, Antoneta Ejupi dhe Drejtori i Arsimit, Avni Fetahu, është nisur nga Podujeva për në Ukrainë kontigjenti i ndihmave të grumbulluara nga aksioni i organizuar në bashkëpunim mes Komunës së Podujevës dhe ushtarëve ukrainas që shërbejnë në Kosovë”, thuhet në njoftim.
Bëhet e ditur se gjatë këtij aksioni janë grumbulluar pako higjenike, veshmbathje dhe pako shkollore ku përfshihen edhe dhurata nga nxënësit e shkollave nga komuna e Podujevës.
Kurse kryetari Bulliqi ka falënderuar të gjithë për ndihmën në realizimin e këtij aksioni.
“Me këtë rast, Kryetari Bulliqi ka falënderuar të gjithë ata që ndihmuan në realizimin e këtij aksioni, me theks të veçantë nxënësit e shkollave, Qendrën Kryesore të Mjekësisë Familjare, Stacionin e Policisë në Podujevë dhe bizneset e ndryshme” thuhet tutje./teve1.info/.
