Legjenda e futbollit mitrovicas, Shpëtim Idrizi ka njoftuar ndarjen me klubin e Trepçës ‘89.
Idrizi ka bërë një postim emocional në rrjetin social “Facebook”, duke bërë me dije ndarjen me ‘89-shin.
Kjo ndarje vjen pas 25 vjetësh ‘bashkëpunimi’ mes Idrizit dhe klubit mitrovicas.
“Pas 25 vitesh të paharrueshme në këtë klub që e kam quajtur gjithmonë familje, ka ardhur koha të mbyll një kapitull të jetës sime. Ka qenë një rrugëtim me shumë sfida, emocione, fitore dhe humbje, por mbi të gjitha me dashuri dhe përkushtim të sinqertë.
Falënderoj Presidentin Abedin Zeka – Beki dhe Drejtorin Arsim Islami për mbështetjën dhe përkrahjën gjatë kësaj periudhe.
Ky klub nuk është vetëm një vend pune për mua është shtëpia ime e dytë. Largohem kryelartë dhe krenar për gjithçka që kemi ndërtuar së bashku.
Faleminderit për gjithçka. Rruga vazhdon – Mirupafshim!”, shkruan në postimin e Idrizit.
