Drejtori Rajonal i Policisë në Ferizaj, Nënkoloneli Faton Pllana, së bashku me stafin e tij, priti në një takim zyrtar, znj. Aleman Stacie, Agjente Speciale, Ekipi i Reagimit të Kontingjencës, Departamenti i Ushtrisë Amerikane.
Gjatë takimit Pllana e informoi znj. Aleman dhe stafin e saj mbi situatën e sigurisë në rajon, të cilën e vlerësoi si të qetë.
Ai gjithashtu prezantoi disa nga aktivitetet e ndërmarra nga Policia Rajonale për parandalimin incidenteve kriminale, thuhet në komunikatë.
Në këtë takim u diskutua edhe për avancimin e mëtejshëm të bashkëpunimit ndërmjet Policisë Rajonale të Ferizajt dhe Departamentit të Ushtrisë Amerikane, me qëllim ruajtjen dhe forcimin e sigurisë së përgjithshme në rajon.
