Psikologia klinike, Vjollca Pllana, ka thënë se ka gra të dhunuara gjatë luftës të cilat pësojnë dhunë edhe në liri nga siç është shprehur vetë personat që është dashur ti mbrojnë.
Pllana ka shtuar se kjo ndodh për arsye të mungesës së përkrahjes familjare dhe asaj profesionale të cilën sipas saj nuk e kanë marrë prej stigmës që ka vazhduar të jetë prezente.
“Shpeshherë edhe gratë e dhunuara gjatë luftës raportojnë dhunë në familje nga vetë personat të cilët është dashur të ju ofrojnë përkrahje dhe ti mbrojnë ato. Ka raste të grave që kanë pësuar dhunë gjatë luftës të njëjtat pësojnë dhunë tash në liri, nga mungesa e përkrahjes dhe gjithashtu sepse ky lloj krimi shpeshherrë është asociuar me turpin, me nderin familjar dhe është mbajtur i heshtur për shumë vite brenda familjes, e këto gra nuk e kanë marrë përkrahjen profesionale që iu është nevojitur, por gjithashtu edhe brenda familjes janë diskriminuar sepse stigma ka vazhduar të jetë prezente dhe ndonjëherë edhe janë fajësuar për krimin që u ka ndodhur”, ka thënë ajo në emisionin “Ditari”, në Tëvë1.
Ndryshe, në Kosovë ka nisur fushata globale “16 ditët e aktivizmit kundër dhunës me bazë gjinore” gjatë së cilës periudhë institucionet shtetërore dhe organizatat e shoqërisë civile do të organizojnë një sërë aktivitetesh për ndërgjegjësimin kundër dhunës me bazë gjinore./teve1.info/
