Demonstratës masive të shqiptarëve në Podujevë, po i printe vet.
E pas ndërhyrjes së dhunshme të forcave serbe, “Çeta e Llapit” u largua në dy drejtime të ndryshme.
Njëri grup shkoi me protestuesit në drejtim të Letancit.
E ai i prirë nga Ali Ajeti, iu drejtua fshatit Miroc.
Por, rrugëtimi historik i udhëheqësit të Çetës, u ndal dhunshëm në këtë vend.
Nga rruga, forcat serbe qëlluan me breshëri plumbash në drejtim të grupit.
Kjo bëri që Ali Ajeti të binte heroikisht këtu në fshatin Shtedim të Podujevës.
Por, 37 vjet më pas, emri i tij në pllakën e ngritur ku ra heroi, vështirë lexohet.
E më mirë, gjendja nuk është as në pjesën tjetër të saj.
Kjo gjendje, ka shqetësuar familjarët.
“Kjo që është në këtë gjendje ne si familjarë na bënë me u ndje keq. Mirëpo, policët që kanë qenë kur është thyer kjo e që është dëshmuar kështu nuk kanë mundur me ra në asnjë gjurmë. Këtë e kanë dëmtuar shumë lehtë këtë çekiçi e ka thyer se së pari herë kur është rrëzuar është rregulluar këtu. Bazën qe e ka pas këtu e ka pas të dëmtuar e është dashur me sjellë të re tjetra pjesë nuk kishte qenë e dëmtuar, por së dyti kur e kanë bë në këtë gjendje kjo veç me çekiç. Emri edhe mbiemri i tij u kanë por i babës paska mbet këtu”, shprehet Kadri Ajeti, vëllai i Ali Ajetit.
Vëllai i Ali Ajetit, thotë se premtimet për rregullimin e pllakës, ende nuk u realizuan.
“Këta kur kanë ardh tani në fushatë kanë thënë që do të ndërmarrin diçka, por se çfarë bëjnë nuk e di. Kanë thënë që është projekti duke u bërë. Nëse jo, si familje mendojmë vetëm njërën me rregulluar, atë më jo se nëna sa të është gjallë më nana nuk e do”, thotë ai.
E nga Komuna e Podujevës, thonë se janë të gatshëm të fillojnë punimet në përmirësimin e gjendjes së pllakës.
“Ne si Komunë jemi të interesuar të ndihmojmë si projekt ndërtimin e saj. Ndoshta jo me marr komplet në përgjegjësin tonë për shkak se është e ndërtuar në një pronë private dhe kërkohet edhe leja e pronarëve të pronave që janë aty. Mirëpo, në bashkëpunimin me bashkëaktivistët e heroit Ali Ajeti, besoj që do të filloj së shpejti”, shprehet Bahri Selimi – drejtor i Shërbimeve Publike.
Ndryshe, vepra e Ali Ajetit, u bë frymëzim edhe për njërin nga komandantët më të shquar të Ushtrisë Çlirimtare të Kosovës, Zahir Pajazitin.
