Presidentja e vendit, Vjosa Osmani është takuar me ministren e shtetit austriak për Evropës, Claudia Plakolm, e cila po qëndron për një vizitë në Kosovë.
Në takim është diskutuar për stabilitetin, qeverisjen e mirë dhe bashkëpunimin rajonal.
Kështu ka bërë të ditur Plakolm në një postim në X.
Për politikanen austriake të gjitha këto janë të rëndësishme për të ardhmen e Kosovës në Evropë.
“Kënaqësi të takoj Presidenten Vjosa Osmani në Kosovë. Diskutuam rëndësinë e stabilitetit, qeverisjes së mirë dhe bashkëpunimit rajonal. Të gjitha janë thelbësore për të ardhmen e Kosovës në Evropë”, ka shkruar ajo.
#6Days6Countries A pleasure to meet President @VjosaOsmaniPRKS in 🇽🇰. We discussed the importance of stability, good governance and regional cooperation. All crucial for Kosovo’s future in Europe. pic.twitter.com/6rwU9YOCWf
— Claudia Plakolm (@claudiaplakolm) October 7, 2025
