Anëtari i Lidhjes Demokratike të Kosovës, Gëzim Plakolli ka thënë se fajtor për dështimin në konstituimin e Kuvendit është Albin Kurti.
Ai ka thënë se kjo ka një arsye dhe sipas tij është e vetmja mënyrë që Kurti të mbetët në pozitën e kryeministrit.
“Bllokada nuk është nga ana jonë, ajo ka emër e mbiemër, deputeti Albin Kurti. Ai dëshiron të vazhdoj kështu, sepse e vetmja mënyrë për të qëndruar në pozitën e kryeministrit është situata aktuale. Në asnjë variant tjetër nuk mundet, nuk i ka numrat. Nëse i ka numrat LDK e pranon rezultatin dhe lë të vazhdojë të qeverisë”, ka thënë ai në “InfoNata”.
Plakolli ka thënë propozimi i LDK-së për Qeveri të Unitetit e nxjerrë Kosovën nga kriza aktuale.
LDK ka propozuar një platformë prej 15 pikave për Qeverinë e Unitetit, por që nuk ka gjetur përkrahje nga partitë tjera.
