Dy persona kanë mbetur të plagosur në mëngjesin e së shtunës në rrugën ‘Ahmet Krasniqi’ në Prishtinë.
Për të plagosurit si dhe për gjendjen e tyre, drejtori i emergjencës në QKUK, Naser Syla tha për tëvë1.info se lëndimet i kanë të rënda, mirëpo gjendja e tyre është stabile.
“Janë në emergjencë duke i kryer ende ekzaminimet. Lëndimet i kanë të rënda, mirëpo gjendja e tyre është stabile”, tha Syla.
Ndërkohë, rastin për tëvë1.info e ka konfirmuar edhe zëdhënësi i policisë në Prishtinë, Enis Pllana i cili tha se aktualisht po vijon puna hetimore, për sqarimin e plotë të rrethanave që karakterizojnë ngjarjen.
“Rreth orës 03:30, kemi pranuar informatën për dy persona të lënduar, në rrugën ‘Ahmet Krasniqi’ në Prishtinë. Viktimat dyshohet që janë lënduar nga një mjet i mprehtë dhe të njëjtit janë dërguar për trajtimin e nevojshëm mjekësor”, ka potencuar Pllana./teve1.info/
