Një grua është plagosur me armë zjarri në Bresje të Fushë Kosovës, mëngjesin e sotëm. Ajo u dërgua me urgjencë në Qendren Emergjente të QKUK-së.
Në lidhje me këtë rast, teve1.info ka kontaktuar drejtorin e Emergjencës në Qendrën Klinike universitare të Kosovës, Naser Syla.
Syla tha se për momentin gjendja e gruas është stabile.
“Gjendja është stabile. Janë kryer të gjitha ekzaminimet e nevojshme, në observim është hala në Qendrën Emergjente edhe pak vendoset në klinikën përkatëse”, tha Syla për teve1.info.
E sipas burimeve të Tëvë1, i dyshuari për plagojsen e gruas dy ditë më parë ka qenë i arrestuar për dhunë në familje dhe i njëjti ka qëndruar vetëm 48 orë në paraburgim.
Lajmin për plagosjen e gruas, e ka konfirmuar edhe zëdhënësja e Policisë së Kosovës për Rajonin e Prishtinës, Flora Ahmeti, derisa bëri të ditur se viktima është dërguar për tretman mjekësor.
“Sot rreth orës 07:30 policia ka marrë informatën për një plagosje me armë zjarri të ndodhur në Bresje- Fushë Kosovë. Personi i plagosur (femër) është dërguar për tretman mjekësor”, tha ajo për teve1.info
Personi qe plagosi gruan në Fushë Kosovë, dy ditë më parë ishte arrestuar për dhunë në familje
