Një shqiptar raportohet se është plagosur në orët e para të mëngjesit te sotëm në Greqi.
Ngjarja ka ndodhur në Neapoli të Selanikut, rreth orës 05:00, kur një person ende i paidentifikuar, ka hapur zjarr ndaj shqiptarit duke e qëlluar me dy plumba.
Viktima mësohet se ndodhej i ulur bashkë me një shok jashtë një dyqani, në momentin që është qëlluar.
Sipas burimeve të Top Channel, ai ka marrë dy plumba në bark dhe është transportuar drejt spitalit “Ippokrateio” në gjendje të rëndë.
Policia greke ka nisur hetimet për ngjarjen dhe po punon për zbardhjen dhe dokumentimin e saj me qëllim identifikimin dhe kapjen e autorit.
Sipas të njëjtave burime, ky i fundit ka mbërritur me këmbë në vendin e ngjarjes dhe po ashtu edhe është larguar.
