Një person i plagosur nga arma e zjarrit është dërguar sot në emergjencën e Spitalit të Prizrenit.
Lajmin për Tëvë1 e ka konfirmuar shefi i emergjencës së këtij spitalit, Hekuran Veçgishti.
“Është sjellë në Emergjencën e Spitalit rreth orës 13:20”, tha ai.
Veçgishti tha se ai po vazhdon trajtimin në repartin e ortopedisë.
“Rreth orës 13:20 tek ne ka ardhur një person i plagosur me armë zjarri. Ne i kemi përfunduar ekzaminimet e nevojshme dhe pacienti tashmë është dërguar në Repartin e Ortopedisë. Gjendja e tij është stabile”, tha ai
Ndërkohë, nga Policia e Kosovës ende s’janë deklaruar për rastin.
