Një person ka raportuar në polici se persona të panjohur kanë tentuar të vjedhin kafshët e tij nga stalla, gjatë orëve të para të së shtunës në Majac të Podujevës.
Sipas viktimës, pas zhurmës së kafshëve që ka dëgjuar, ka vërejtur rreth katër persona të panjohur që kanë tentuar t’i vjedhin lopët, por që janë larguar me të vërejtur viktimën.
Ai ka shtuar se gjatë largimit të tyre, të dyshuarit kanë shtënë me armë zjarri në drejtim të tij, me ç’rast edhe ka pësuar lëndime.
Policia ka bërë të ditur se viktima ka pranuar tretman mjekësor, pasi në pjesën e abdomenit kishte pësuar lëndimin nga arma e zjarrit.
“Viktima ka pranuar tretman mjekësor pasi në pjesën e abdomenit kishte pësuar një lëndim sipas të cilit ishte shkaktuar nga arma e zjarrit. Në vendin e ngjarjes, në cilësi të provave materiale janë gjetur dhe konfiskuar dy gëzhoja të armës së zjarrit. Rasti është duke u hetuar nga njësitet kompetente policore”, thuhet në raportin ditor të Policisë së Kosovës.
