Një person dyshohet që është plagosur me armë zjarri, në rrugën “Bardhyl Qaushi” në Gjakovë, kanë bërë të ditur nga stacioni i policisë së këtij qyteti për teve1.info.
I njëjti është dërguar në Spitalin Rajonal të Gjakovës dhe sipas personelit mjekësor gjendja shëndetësore për momentin është stabile.
Rasti është duke u hetuar.
“Sot rreth orës 12:21 kemi pranuar informatë se një person është i plagosur në rrugën “Bardhyl Qaushi”-Gjakovë. Njësitet e nevojshme policore menjëherë kanë dalë në vendin e ngjarjes ku dyshohet se një person i moshës madhore është qëlluar me armë zjarri. I njëjti është dërguar në Spitalin Rajonal të Gjakovës dhe sipas personelit mjekësor gjendja e viktimës për momentin është stabile (jashtë rreziku për jetë). Rasti është duke u hetuar”, ka thënë Sheremet Elezaj, zëdhënës i policisë për rajonin e Gjakovës.
