Një person ka mbetur i plagosur si pasojë e gjuajtjes me armë zjarri pasditën e së mërkurës në fshatin Drenoc të Prishtinës.
Lajmin për tëvë1.info e ka konfirmuar zëdhënësja e Policisë për rajonin e Prishtinës, Flora Ahmeti, e cila ka thënë se viktima është dërguar për trajtim mjekësor.
Po ashtu, Ahmeti ka bërë të ditur se lidhur me rastin është identifikuar si i dyshuar L.B., për arrestimin e të cilit janë duke u ndërmarrë veprimet nga Policia e Kosovës.
“Sot rreth orës 15:00 policia ka marrë informatën për një plagosje me armë zjarri të ndodhur në fshatin Drenovc të Prishtinës. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri është plagosur një person, i cili është dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar L.B ( i cili është identifikuar) si dhe ndriçimin e plotë të rastit”, ka thënë Ahmeti./teve1.info/
