Dy persona kanë mbetur të plagosur në orët e para të së mërkurës në një pikë shitje të derivateve në Prizren.
Të plagosurit kanë kërkuar ndihmën mjekësore në Emergjencën e Spitalit Rajonal të Prizrenit, ku të njëjtit janë jashtë rreziku për jetë.
Kështu ka bërë të ditur për teve1.info, zëdhënësi i Policisë së Kosovës, për rajonin e Prizrenit, Vesel Gashi.
Gashi ka dhënë detaje se si ka ndodhur plagosja.
“Me datën 29.01.2025, rreth orës 02:00 në rrugën “Transiti i ri “ në Prizren disa persona të dyshuar janë takuar në parkingun e njëpike shitje të derivateve. Tëdyshuarit menjëherë pas takimit kanë filluar të fjalosen dhe së paku një person ka shkrepur armën e zjarrit në drejtim të dyshuarve të tjerë. Pas shkrepjes së armës persona të përfshirë janë larguar nga vendi i ngjarjes e dy nga ata kanë kërkuar ndihmën e mjekut në emergjencën e Spitalit Rajonale të Prizrenit. Me kohë janë njoftuar Sektori i Hetimeve të stacionit dhe hetuesit e Sektorit Rajonal të hetimeve të cilët kanë dal në vend ngjarje dhe kanë mbledh provat dhe dëshmitë”, tha zyrtari policor për informim.
Ndërkohë, ai bërë të ditur se Policia gjatë natës ka bërë identifikimin e personave të përfshirë në rast, si dhe janë kryer kontrolle në disa vende, ku janë gjetur tri armë zjarri – pistoleta dhe dy automjete janë sekuestruar në cilësinë e provës materiale.
“Sektori Rajonal i Hetimeve I Drejtorisë Rajonale të Policisë në Prizren është duke e hetuar rastin, në konsultim me prokurorin kujdestar rasti është cilësuar si ‘Vrasje në tentative’ dhe ‘Mbajtje në pronësi. kontroll, posedim apo shfrytëzim i pa autorizuar i armës'”./teve1.info/
