Një plaçkitje ka ndodhur sot në lagjen Pejton në Prishtinë.
Kështu ka deklaruar për Tëvë1 zëdhënësja e policisë për rajonin e Prishtinës, Flora Ahmeti.
Ajo ka njoftuar se i dyshuari nën kërcënimin e armëve ka grabitur një shumë të parave.
“Sot rreth orës 16:00 është raportuar për një grabitje që ka ndodhur në një institucion mikrofinanciar në rrugën “Robert Dolli” në Prishtinë. Pas marrjes së informacioneve policia ka dalur në vend ngjarje dhe bazuar në informacionet e para, dyshohet se një person është i dyshuar nën kërcënimin e armës ka grabitur një shumë të parash. Aktualisht policia po kryen veprimet e nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar”, ka deklaruar Ahmeti.
