Sipas komunikatës bashkë me dorëheqjet ata kanë dorëzuar edhe pajisjet e tyre.
“Referuar zhvillimeve aktuale ju informojmë se edhe sot ka pasur paraqitje të dorëheqjeve të punonjësve policorë të komunitetit serb në pjesën e veriut të vendit, në zonën e drejtorisë rajonale të Mitrovicës Veri. Njoftimet e tyre për dorëheqje janë bërë në rajonet dhe stacionet policore, ku disa prej tyre deri më tani i kanë dorëzuar pajisjet e tyre, për të vazhduar me kompletimin e procedurave tjera të parapara”, thuhet në komunikatë, raporton teve1.info.
Policia thotë se pavarësisht dorëheqjeve ka kapacitet për menaxhimin e situatës
“Policia e Kosovës ka kapacitete për menaxhimin e situatës dhe rrethanave të krijuara, të gjitha veprimet do ti ndërmerr konform autorizimeve ligjore dhe kushtetuese, konform vlerësimeve dhe planifikimeve operacionale, me qëllim të ruajtjes së rendit e qetësisë publike si dhe mbikëqyrjes dhe kontrollit kufitar”, thuhet në komunikatë.
Të shtunën përfaqësuesit serbë kanë marrë vendim për largim nga të gjitha institucionet e Kosovës./teve1.info/
