Policia e Kosovës përmes një njoftimi për media ka bërë të ditur se zyrtarët policorë nga Drejtoria e Njesive Specaile Intervenuese, kanë shpëtuar jetën e një gruaje të cilën e kishin hasur të shtrirë përgjatë magjistrales Vushtrri-Mitrovicë.
Këta pjesëtarë janë lavdëruar nga Shtetet e Bashkuara të Amerikës, konkretisht “Diplomatic Security Service (DSS)”, institucion në kuadër të Departamentit Amerikan të Shtetit, e që kanë ndihmuar Policinë e Kosovës me trajnime të ndryshme.
“Krenar të shohim ndikimin direkt të trajnimeve të DSS dhe Ambasadës së SHBA në Prishtinë, përmes Programit kundër terrrorizmit.
Policia e Kosovës – Njësia Speciale Hetuese (SIU), e trajnuar në mjekësi taktike, me guxim i dha ndihmën e parë një qytetareje në nevojë. Ky është rezultati i partneriteteve efektive dhe zhvillimit profesional në veprim. Punë e shkëlqyer, Policia e Kosovës!”, thuhet në reagimin e DSS.
E alivanosur në rrugë, policët e Njësisë Speciale ia shpëtojnë jetën gruas
