Kanë përfunduar pjesët e para në tri ndeshjet e Superligës së Kosovës në futboll.
Baras është mbyllur pjesa e parë dërmjet Prishtinës dhe Dukagjinit. 45 minutat e para të ndeshjes që po zhvillohet në stadiumin “Fadil Vokrri” kanë përfunduar 1:1. Skuadra nga Klina, avancoi e para kur shënoi në minutën e nëntë.
Gjuajtjen e fortë të Blerind Morinës, e devijoi mbrojtësi i Prishtinës, Muhamed Useini duke e dërguar topin në portën e tij.Megjithatë, Prishtina barazoi shifrat në minutën e 26-të, me anë të Mërgim Pefqelit që shënoi gol të bukur pas harkimit të Albin Prapashticës.
Ndërkaq, Ferzaji ka shkuar me epërsi ndaj Gjilani. 45 minutat e para të ndeshjes në stadiumin sintetik në Ferizaj kanë përfunduar 1:0. Skuadra nga Ferizaj epërsinë e mori në minutën e 30′ me realizator Gentrit Halilin, i mjaftushëm për të shkuar me epërsi në pushim.
Ndërsa Llapi gjatë 45 minutave të pjesës së parë e ka mbyllur me epërsi prej dy golave ndaj Drenicës. Në stadiumin “Zahir Pajaziti” është mbyllur pjesa e parë me rezultat 2:0.
Gerhard Progni në minutën e 5′ e kaloi në epërsi Llapin, derisa epërsinë e dyfishtë e mori me Firminio në 42′.