Kështu raporton gazetari i Tëvë1, Arton Rama, i cili gjendet atje.
Ndërsa, pavarësisht paralajmërimeve për nisen e heqjes së barrikadave në gjë e tillë ende nuk ka nisur.
Gazetari i Tëvë1, Valmir Gallopeni, i cili gjendet në veri ka njoftuar se barrikada afër Çabres vazhdon të jetë qëndrojë.
Po ashtu edhe në Rudarë nuk ka asnjë lëvizje për heqjen e barrikadave.
Gazetarja e Tëvë1, Fetije Kamberi e cila aktualisht po qëndron në Rudarë, ka raportuar se situata është e qetë.
Ndryshe, presidentja e vendit, Vjosa Osmani, ka thënë se është çështje orësh heqja e barrikadave në veri të vendit.
Ajo tha se nëse nuk hiqen barrikadat, institucionet e Kosovës do të veprojnë për shkak se sipas saj, sa më shumë që të mbesin barrikadat aty, aq më shumë po rrezikohet jeta e qytetarëve.
Ndërsa presidenti serb, Aleksandër Vuçiq mbrëmjen e 28 dhjetorit në kazermën e Ushtrisë Serbe në Rashkë, afër kufirit me Kosovën, zhvilloi bisedimet me përfaqësuesit e serbëve nga Kosova për heqjen e barrikadave.
Ai pas takimit me përfaqësuesit e serbëve nga Kosova, deklaroi se heqja e barrikadave në veri të Kosovës do të nisë mëngjesin e së enjtes.
Këto deklarime erdhën pas ndryshimit të masës së sigurisë për ish-policin, Dejan Pantiq, i cili u arrestua më 10 dhjetor si i dyshuar për terrorizëm dhe sulm ndaj institucioneve të Kosovës./teve1.info
https://teve1.info/lajmet/digjen-kamionet-e-vendosur-si-barrikade-te-kershi-i-dudes/