Pika kufitare që e lidhë Serbinë dhe Maqedoninë e Veriut, iu ndihmon qytetarëve të Komunës së Preshevës, më saktësisht të fshatit Miratoc që për tri km të jenë në fshatin Llojan të Komunës së Kumanovës.
Mirëpo nga vitit 1993, vend kalimi është mbyllur.
Atë, mbi 30 vite e patrullojnë ushtarët nga të dyja vendet për mos-kalim.
E në vend të 3 kilometrave, banorët e fshatit Miratoc dhe Llojan bëjnë 40 kilometra për të vizituar njëri-tjetrin.
Të premten, nga fshati Miratoc iu drejtuan edhe Ministrisë së Punëve të Brendshme të Serbisë për hapjen e tij.
Pavarësisht që ekipi qëndroi në Preshevë, kryetari i bashkësisë lokale në Miratoc nuk pranoi të flasë para kamerës.
Për këtë temë nuk folën as kryetarja e Preshevës, Ardita Sinani dhe nënkryetari Ragmi Mustafa.
Kërkesën e fshatit Miratoc e përkrahen edhe dy fshatrat afër tij, Tërrnava dhe Norça.
Kryetari i Bashkësisë Lokale të fshatit Tërrnavë, Afrim Abdullahu thotë se hapja e këtij kufiri do të lehtësonte jetën e qytetarëve.
Hapjen e këtij vendkalimi, premtim kryesor e kishin Alternativa për Ndryshim.
Kryetari aktual i këtij subjekti politik, Visar Mehmeti tregon punën që e kanë bërë për këtë problem.
Mehmeti thotë se procedurat nga ana ligjore janë kryer në tërësi madje është ratifikuar edhe një marrëveshje në mes dy shteteve.
Në janar të vitit 2005, në këtë pikë kufitare nga xhandarmëria serbe u vra Dashnim Hajrullahu një 15 vjeçar shqiptar, i cili po kalonte kufirin për të shkuar në fshatin Llojan.
