Lajmin për pezullimin e grevës e ka bërë të ditur Këshilli Grevist i Prokurorisë Themelore në Prishtinë.
Përmes komunikatës, Këshilli ka bërë të ditur se pas takimeve të mbajtura me Këshillin Prokurorial të Kosovës, janë dakorduar që të pezullohet greva dhe t’u jepet hapësirë institucioneve në realizimin e kërkesave të tyre.
“Këshilli Grevist i Prokurorisë Themelore në Prishtinë njofton se pas takimeve të mbajtura me Këshillin Prokurorial i Kosovës (KPK), janë dakorduar që të pezullohet greva një mujore dhe t’i jepet hapësirë institucioneve kompetente për realizimin e kërkesave legjitime të punonjësve të administratës në një afat të arsyeshëm kohor. Këshilli Grevist i kësaj Prokurorie shpreh vendosmërinë se nuk do të heqin dorë deri në realizimin e kërkesave të tyre, njëherit shprehin konsideratë për gatishmërinë e përkushtimin e KPK-së dhe SKPK-së për të mbështetur kërkesat e punonjësve të administratës nga dita e parë e fillimit të grevës”, thuhet ndër tjerash në komunikatë./teve1.info/
