Këto deklarata ai i ka bërë pas takimit me Përfaqësuesin Special të Bashkimit Evropian për Dialogun, Miroslav Lajçak.
“Kemi përfunduar një raund tjetër bisedimesh, kemi kaluar 10 orë në ndërtesën e BE-së. Çështja e parë dhe themelore që ngritëm është formimi i Asociacionit.
Kanë kaluar nëntë vjet nga marrëveshja e Brukselit dhe ne ende jemi në pritje të formimit, dhe të gjitha obligimet tjera duhet të zbatohen”, ka thënë Petkoviq për Tanjug.
Tutje, Petkoviq theksoi se të martën kanë zhvilluar bisedë vetëm me Lajçak, pasi që kryenegociatori i Kosovës, Besnik Bislimi, “ka refuzuar të bisedojë me ta”.
Ndërkaq, lidhur me këtë takim, Lajçak njoftoi se është diskutuar për një sërë temash specifike me dy kryenegociatorët, Bislimi dhe Petkoviq.
